What is known about IRC Membership

IRC Membership

 بتاعت ايه وبتتعمل فين وتكلفتها كام وبيتعمل بيها ايه؟!

اقدر اقولك ان ال Membership دي مفتاحك لتحسين حاجات كتير،

 بس الاول نعرف هي بتاعت ايه وتخص ايه وبيتعمل بيها ايه.

اولا تكلفتها هي 0.00ج، 

اه ببلاش مبتدفعش فلوس عشان تعملها

اما بتعمل بيها ايه وهي تخص ايه فا اقرا الكلام اللي تحت ده وركز فيه لانه مهم جدا جدا

في حاجة حلوة جدا عندنا ف القاهرة اسمها السفارة الامريكية

او بمعني اصح مكان جوة السفارة الأمريكية اسمه ال IRC

ال IRC هي اختصار Information Resource Center

يعني مركز مصادر المعلومات ..... المكان ده موجود ف التحرير عبارة عن مكتبة السفارة الامريكية 

طيب ازاي استفاد منه .... بصوا بقا هنروح ف يوم الصبح علي الساعة 9 هتسال عن طابور ال  IRC 

- وتروح تسجل اسمك ووتقف ف الطابور وتخش جوة وتسال علي ال Membership 

- هتعمل عضوية ف المكان ببلاش من غير ولا مليم

ايوة بعد العضوية فين الاستفادة؟؟

                                      1- اول حاجة هي انك تقدر تستعير كتب مقروءة ومسموعة لمدة اسبوعين
               

                 2- تاني حاجة تقدر تستعير افلام اجنبي نسخ  Original

Published: By: mayada - 10:51 AM

ازاى تكون دكتور نفسك !!!

ازاى تكون دكتور نفسك !!!

الشتاء دخل علينا خلاص و هيبدأ موسم البرد والانفلونزا و التعب، ولانه اللى ورانا من شغل و بيت او جامعة مابيستناش ولا بيتأجل ، فى المقال ده هنقلك على وصفات علاجات طبيعية لما تحسي انك تعبانة بالصداع او الارهاق او التهاب الجيوب الانفية او الالم عشان تجربيهم و ترتاحى من اى تعب بسهولة علشان تقدرى تكملى و انتى كلك نشاط و حيوية.

وصفات علاجات طبيعية لما تحسي انك تعبانة ..

1- التهاب الحلق : 

العلاج: شاى الكاموميل بالعسل. 

الكاموميل غنى بالمود المضادة للبكتيريا و بيعتبر مضاد قوى للألم. و كمان بيساعد على استرخاء العضلات و الراحة ، ضيفى العسل الابيض لشاى الكاموميل و ده هيساعدك فى علاج التهاب الحلق و يخلى البلع اسهل.

التهاب الحلق

2-  علاج الصداع : 

العلاج : ابعدى عن مسببات التوتر، اطفى الكمبيوتر لو شغالة عليه و خدى اكتر من نفس عميق تشمى فيه زيت عطرى و خدى كام ثانية تحاولى تريخى فيهم دماغك و ماتفكريش فى حاجة. ده ممكن يكون مش علاج فورى لكن الاسترخاء بيعتبر من احسن علاجات الصداع خصوصا الناتج عن التوتر. ممكن تلعبى يوجا لمدة ساعة او تنامى شوية بعد الضهر علشان تخفى التوتر و بالتالى الصداع هيختفى.

علاج الصداع

Published: By: mayada - 8:57 AM

كيف تختارى الكعب المناسب ليكى

أنسب طرق لاختيار الكعب المناسب ليكي

لبس الكعب العالي بيكون مشكلة لكتير من البنات لانه بيسبب مشاكل صحية زي ألام الضهر وآلام الساقين وغيرها 

من المشاكل لكن هل هنستغنى عن الكعب ومنلبسهوش خالص ؟ اكيد لا لان في اوقات كتير بنحتاج اننا نلبس الكعب 

العالي خصوصا في مناسباتنا الخاصة, الموضوع كله بيعتمد على اختيار ارتفاع الكعب الصحيح والمناسب, لو 

اختارتي ارتفاع الكعب صح مش هتحسي باي الم ولا هيحصلك اي مشاكل وده اللي هنعرفه النهاردة مع بعض من 

خلال موضوعنا هنقولك ازاي تختاري الارتفاع المثالي المناسب ليكي.

اختيار ارتفاع الكعب الصحيح والمناسب ليكي:

1- ارتفاع الكعب المناسب للبس اليومي:

ايه هو ارتفاع الكعب المناسب اللي تلبسيه يوميا سواء للشغل او للجامعة او لاي خروجات يومية ليكي ويكون آمن 

وميسببش اي مشاكل او الم؟ الدكاترة المتخصصين بشكل عام قالوا ان الارتفاع المناسب للاستخدام اليومي المفروض 

يكون 4 سم هل ده صحيح ولا لا ؟ ده هنعرفه بالطريقة اللي تقدري تحسبي بيها الارتفاع المناسب ليكي وهي هتكون 

بقياس طول قدم الرجل وبعدين تقسميها على 7 اللي هي ايام الاسبوع والرقم اللي هيطلع لك ده هيكون ارتفاع الكعب المناسب ليكي.

للتوضيح اكتر زي ما هو واضح المثال في الصورة كده لو طول قدم الرجل 24 وهتتقسم على 7 هتطلع النتيجة 3.4 

سم وهو ده هيبقى ارتفاع الكعب المناسب, وهكذا بقى كل واحدة تقيس طول القدم بتاعتها وتقسمها على 7 وتشوف الارتفاع اللي يناسبها.

Published: By: mayada - 9:57 AM

تمرين الـبيلاتس و تمرين الكارديو

9 اسباب ليه تمرين الـبيلاتس نتيجته افضل من تمرين الكارديو

مفيش حد فين مابيعرفش تمرينات الكارديو المشهورة وقد ما هى مفيدة لكن اوقات بتبقى متعبة و بيبقى صعب علينا اننا نلتزم و نواظب عليها ، وعلشان الموضوع يبقى اسهل عليكى فى المقال ده هنقولك على تمرين جديد اسمه تمرين الـبيلاتس وهنقولك على 9 اسباب يخلوا التمرين ده نتيجته افضل من تمرين الكارديو .

9 اسباب يخلوا التمرين ده نتيجته افضل من تمرين الكارديو

1- تحسين استقامة الضهر : 

استقامة ضهرك او الـ good posture بيعتبر من اول الحاجات اللى الناس بتلاحظها فيكى لما بتقابلك لاول مرة، انك تقفى وضهرك مستقيم بيخلى الجزئين العلوى و السفلى من جسمك شكلهم مظبوط وطبعا مهم جدا تقعدى وضهرك مش منحنى، الضهر المستقيم هيخليكى تتفادى تكوين اى انحناءات فى ضهرك و كمان هيحافظ على بطنك مسطحة ومشدودة.

-تمرين الـ Pilate بيحسن من posture ضهرك.

-بيخلى عمودك الفقرى صحى و المسافات بين الفقرات صحيحة.

تحسين استقامة الضهر

2- بيخليكى اقوى : 

فايده تانية من فوايد التمرين ده هى انه بيحسن من قوة الجسم و بيخليكى اقوى بشكل عام خصوصا لو كانت طبيعة جسمك انه ضعيف شوية ، تدريجيا و مع الانتظام على التمرين ده هتلاحظى انه عضلاتك بقت اقوى وجسمك زادت قوته بشكل عام.

• – بمساعدة تمرينات الـ dynamic هتبدأ عضلاتك تبقى اقوى و تحققى نتيجة افضل.
• -تمرين الـ Pilates هيساعدك تزودى قوتك اللى بتحتاجيها لاعمال كل يوم.

بيخليكى اقوى

3- تحسين التوازن : 

جسمك بيحتاج يبقى فيه توازن علشان تقدرى تعملى تمارينك بلطف ومن غير ما تبقى مرهقة بالنسبة لك ، تمرين الـبيلاتس بيساعدك على تحسين توازن الجسم بشكل كبير .

-التمرين ده هيساعدك فى روتينك اليومى.

-بيساعدك فى خلق التوازن و بالتالى بيحسن من حركتك ومشيتك.

-ده معناه ان ردود فعلك و طبيعة حركة جسمك بتبقى احسن واقوى.

تحسين التوازن

Published: By: mayada - 1:38 PM

طرق مختلفة وطبيعية وسريعة لتطويل الاظافر

إزاي تطولي اظافرك بطرق سريعة وطبيعة في نفس الوقت

كلنا  نفسنا طبعا إن أظافرنا تطول بسرعة ويبقي شكلها حلو وقوي, طبيعى ده عشان الأظافر القوية بتدي جمال وشياكة  ورقة لشكل الإيدين حتي لو مش هنستخدم  فيهم أي لون مانيكير وشكلهم طبيعي…
وده بيدى انطباع للي قدمك قد ايه انتى مهتمية بنفسك وباناقتك
جايبلكم 3 طرق إزاي تقدروا تطولوا اظافركم بشكل طبيعي وسريع..

نعرف الاول الاظافر متكونة من ايه وشوية معلومات سريعة كده

- الأظافر مكونة من بروتين الكرياتين زيها زي الشعر بظبط.

- أظافر الأدين بتطول أسرع من اظافر الرجلين.

- الأظافر بتطول بمعدل 3 مللي في الشهر.

اثبتت الدراسات إن صعب إن الاظافر تطول في خمس أيام,

 لكن اللي ممكن نعمل في 5 أيام حاجات تانية تساعد ع انها تطول بشكل صحى
هو اننا نقويها ونخليها متكسرش وتتقصف وتقدر توصل للطول اللي إنتي نفسك فيه..
بس لو إنتي محتاجة أظافر طويلة في 5 أيام, ممكن تركبي الأظافر الصناعية وتعملي ده بشكل يخليها تبان طبيعية جدا, و هوريكم ازاى خطوة خطوة 

طرق تطويل الاظافر:

1- وصفة زيت الزيتون:

 اهم حاجه عشان نساعد ان الاظافر تطول لازم نحافظ على ترطيبها زيت الزيتون هو أحسن ترطيب لما نيجي نتكلم عن عناية بالأظافر. عشان بيتغلغل في الجلد والأظافر، وبيساعد علي تغذيه الاظافر.وكمان بيحتوي على فيتامين E اللي بينشط الدورة الدموية، ويساعد على إصلاح تلف الاظافر ويساعدها تطول.

قبل ماتنامي بالليل، دفي شوية زيت الزيتون, ودلكي بيهم ضوافرك والجلد اللي جنب الضوافر بلطف لمدة 5 دقائق. وبعدين البسي جوانتي قطن ونامي وإنتي لبساه.

ممكن برضه تنقعي ضوافرك في الزيت الدافي لمدة 15 إلى 30 دقيقة.

استمري على الطريقة ديه لمدة أسبوعين أو شهر, مرة كل يوم.

2- وصفة زيت جوز الهند:

زيت جوز الهند بيحتوي على عناصر غذائية مهمة بترطب الاظافر والجلد اللي حواليها بشكل قوي وفعال, وكمان ممكن يستعمل كعلاج من التهابات البشرة اللي بتبقي حوالين الاظافر.

اخلطي 1/4 كوب من زيت جوز الهند + 1/4 كوب من العسل + 4 قطرات من زيت الروزماري.

دفيهم في الميكروويف لمدة 20 ثانية.

انقعي أظافرك في الخليط لمدة 15 دقيقة.

استمري على الطريقة ديه لمدة أسبوعين أو شهر, مرة أو مرتين كل أسبوع.

Published: By: mayada - 10:36 AM

فوايد زيت الورد

زيت الورد له فوايد كتيرة جدا ومهم ليكي انك تحرصى على استخدامه، ورغم انه النوع ده من الزيوت جديد علينا او مابنسمعش عنه بقالنا كتير الا انه و فى فترة قصيرة انتشر جدا و كتر الكلام عنه بسبب فوائده واستخداماته الكتيره ، خصوص انه متوفر و ممكن تلاقيه بسهولة و بسعر مناسب .. وخصوصا انى هعرفك على اهم فوايد ” زيت الورد ” ، واهم و صفاته اللى ممكن تفيدك بشكل كبير.

فوايد زيت الورد : 

من أهم فوايد ” زيت الورد ”  …

1- بيجدد خلايا البشرة وبيحمي كمان من اشعه الشمس خصوصا في الصيف 

2- لو استخدمناه باستمرار ده بيبقي عامل اساسى ان هو ميظهرش التجاعيد لتقدم العمر .

3- يستخدم كمطهر للجروح الخفيفة لانه بيساعد على وقف النزيف .

4-ممكن نستخدمة  كمطهر و ملطف للالتهابات .

5- مفيد جدا فى ترطيب البشرة الجافة .

6- له تأثير كبير جدا على علاج حب الشباب و يساهم فى التقيلي من العلامات اللى بتسببها الحبوب على الوجه 

و الجسم .

7- يمكن استخدامه كمبرد او لوشن ملطف للجسم فى الصيف .

8- مصدر جيد لفيتامين “ج” اللى بيساعد على تجديد خلايا البشرة .

9- مع الاستخدام المتكرر يساعد على تفتيح البشرة و استعادة لونها الطبيعى .

اما بالنسبة لاستخدامات ” زيت الورد” فهنقولك اهم الوصفات و اسهلها و المناسبة للبشرة الجافة والدهينة و كمان 

وصفة فعالة جدا للترطيب : 

Published: By: mayada - 10:28 AM

من القديم إلى الجديد

من القديم إلى الجديد

ازاى نغيير شكل الحاجه اللى عندنا او ازاى نبتكر في الحاجات القديمة بحاجات جديدة
في حجات هقول خطواتها ايه وحجات الصورة هتبقي شرحة نفسها هقولكوا اسم الفكرة ايه بس

1- اول فكرة ازاى نحول اي شوكة  قديمة عندنا لشماعة لفوط المطبخ او ممكن تنفع للمفاتيح كمان

 احنا هنقدر نعمل الاشكال ديه بكماشه بس
 وبعد كده نثبتها في الحيطة بالمسامير
 بس كدة استفدنا من كل الشوك القديمة اللى ف البيت

2 – سلم قديم مش محتاجينوا ممكن نحوله لمكتبه وارفف

3- كراسي المصايف

ممكن الكراسي بتاعه المصايف ديه او البلكونة نعلقها ونستفيد بيها من ناحيتين احط عليها حاجات من فوق واعلق هدومي ف الشماعات وديه ممكن نستخدمها ف المصايف لما يكون مفيش دولاب للهدوم  . ! .

Published: By: mayada - 11:24 AM

طرق جديدة للحجاب مع الاكسسوار

طرق جديدة للحجاب مع الاكسسوار

مش عشان بنلبس حجاب يبقي منهتمش بشعرنا عشان كدة حابه اقلكوا على شوية 

حاجات تعملوها


اول حاجة لازم نختار قماش الطرحة المناسب واللى مش هيضر شعرنا 

( القطنية او الجيرسية) عشان ديه اكتر الخامات اللى بتمتص العرق 

لانه مضر جدا بالشعر ونبعد تمام عن الاقمشه النايلون

 او لو ضروري الطقم محتاجها ممكن بندانه قطن تحت الطرحه 

كمان في البيت نعمل تغييرات ف شعرنا

 مش تسريحه معينة نثبت عليها 

ونراعي ان هو ميكنش مشدود تحت الطرحه او ف البيت عموما


مينفعش اخد شاور وشعري مبلول والبس الطرحه وانزل
لازم اعمل حسابي اخد الشاور بدرى شوية

بحيث يكون في وقت كافي ان شعري ينشف او نستخدم استشوار في تنشيف الشعر 

قبل ما البس الطرحه علشان الرطوبة بتاثر سلبيا ع فروة شعرنا وع خصله الشعر 

وغير كدة بيعمل صداع


وضرورى جدا نمشط شعرنا كل يوم قبل لبس الحجاب 

وياريت لو المشط سنونة واسعه علشان ده بينشط الدورة الدموية 

نحاول كمان منلفش الطرحه حاولين الرقبه علشان ده بيمنع التهوية وتنفس الشعر

لازم نغسل برضه شعرنا اكتر من مرة في الاسبوع 

علشان ميكنش عرضه للقشرة تحت الطرحة 

ديه افكار عشان تساعد في تغيير لشكل الطرحة

طبعا حمام الكريم او البلسم حاولى ان هما مليمسوش فروه الراس
لكن حمام الزيت الاحسن ان هو يوصل لفروه الرأس ولازم طبعا نشطفة كويس 

جداااااااا


كل ما نلبس طرح كتير كل ما هيكون شعرنا مش قادر ياخد نفسه 

وبكدة يبقي احنا عرضناه ان هو يقع ويبوظ ويتكسر كمان ويتقصف


ممكن نلبس 2 او3 بس يكونوا خفاف وقطن كمان


البنات بقا والزعبوط اللى ف الترنجات بالذات والسيلفي اهو الزعبووووط ده بالذات 

خصوصا لما بيكون ليكرا بيبقي غلط جدا علي الشعر 

عشان هو بيضغط ع الشعر فبيخلي  فروه الشعر تعرق وده برضه اللى بيعمل تساقط . . .
ولو شعرنا طويل مينفعش نربطه جامد ونشده تحت الطرحه لازم نخليه مرتخيا
 ولو شعرنا ضعيف من الاول يبقي الاحسن نقصه علشان ميطولش علي ضعفه

 وكمان عشان ميضرش اكتر من الحجاب 

Published: By: mayada - 5:10 PM

ازاى تذاكر وتعمل جدول مذاكرة صح لنفسك ! ! !

ازاى تذاكر وتعمل جدول مذاكرة صح لنفسك ! ! !

أنا مش هعملك جدول مذاكرة زي ما انت فاكر

لا انا هقولك ازاى تعمل جدول مذاكرة لان مينفعش تقول لاي حد اعملى جدول 

لكن ممكن تقول علمنى ازاى اعمل جدول مذاكرة 

( لا تعطيني سمكة ولكن علمني كيف اصطاد ) 

ومن اساسيات النجاح انك تنظم وقتك وتعرف هتعمل ايه في الوقت ده 

هقولكوا شوية حاجات تبعدوا عنها ف الجدول 

وشوية حاجات تعملوها ف الجدول 

وبكدة هتعرف ازاى تبدء تعمل جدول لنفسك

الحاجات اللى المفروض تبعد عنها 

1 – مينفعش ابدء السنة بمذاكرة كتير وعدد ساعات فحت وردم ده غلط 

وهيخليك تكمل في ملل ده لو كملت اصلا

الموضوع ده هيخليك تيجى اخر الفترة اللى هي اهم فترة في الثانوية العامة 

ومتذاكرش 

علشان هتزهق طبعا

يعنى طبيعى ف الشهور الاولى حسيت وانا بقول الشهور الاول 

ان بقول نصايح لواحدة حامل وده فعلا مش بيقولوا متتحركيش كتير فى الاول وكدة 

انت كمان متذكرش كتير وتزهق ف الاول يعنى لغاية اخر شهر 1 كدة المفروض 

ساعات المذاكرة اليومية من 5ل 6 ساعات 

واول ما يبدء شهر 2 نزود بقا شويه شوية يعنى نوصل كدة ل8 ساعات مذاكرة زي 

بالظبط حقك ف النوم كدة

اما بقا الفترة الاخيرة اللى هو الدكتور يبدء يقول فيها بقا اتمشي كتير

احنا بقا هنعمل ايه اللى هما الشهور الاخيرة 3و4و5

  

هنذاكر بنسبة 15 % 

وهنحل امتحانات بنسبة 85 %

2 – مينفعش اذاكر اكتر من 3 مواد في اليوم

3 – مينفعش اذاكر انجليزى ومعاه فرنساوى او المانى 

اواى لغة تانية عموما في يوم واحد 

4 – مينفعش اذاكر فيزياء مع كيمياء فى يوم واحد

5 – زى ما قولنا ف الاول مينفعش اطول فى المادة الواحدة وقت طويل علشان 

مزهقش خصوصا لو هى مادة حفظ الاحسن والافضل ان احنا نقسمها

6 – مينفعش اذاكر من ملزمة مدرس فلان اللى انا باخد معاه وبعدين اخد ملزمة 

زميلى 

اللى هو بياخد مع مدرس فلان التانى عشان هو هنا مخلص الجزء ده احسن فى 

ملزمته 

لا مينفعش اشتت نفسي لازم اذاكر من مصدر واحد اهم حاجه ان المصدر ده يكون 

مريحك نفسيا مش لازم يكون مدرس مشهور مش لازم يكون مدرس اختى او اخويا 

عشان هو قفل المادة معاه يبقي انا هقفل المادة معاه لا كل واحد مختلف عن التانى

نخلى بالنا اوى من النقطة دية 

 

7 – زى ما قولنا منذاكرش مادتين لغات مع بعض ومنذاكرش مادتين علميين مع

بعض يعنى من الاخر خلى يومك منوعات مادة حفظ مادة فهم وهكذا

 وكدة هنبقي قولنا كل حاجه المفروض نبعد عنها او منعملهاش في الجدول بتاعنا

 نبدء بقا بالحاجات اللى المفروض نعملها

 1 - اول حاجه هبدء بيها عدد ساعات مذاكرة كل مادة يعنى هقولك المادة واقولك 

تتذاكر في حوالى كام ساعه وكل ده طبعا قابل للتغيير ع حسب قدرتك وع حسب 

احتياجك للمذاكرة ف المادة ديه


لان ممكن اكون ضعيفة ف مادة معينة


او بخاف من مادة معينة ف المذاكرة عموما هنلاقي ف مادة عندنا هي البوعبوع 

بتاعنا 

المادة ديه هي اللى هتتكرر كتير ف الجدول بتاعنا

العربي . . . . 7 ساعات اسبوعيا


اللغات ( الانجليزى واللغة التانيه عموما ) من 10 ل 11 ساعة اسبوعيا


- الفيزياء . . . . 7 ساعات اسبوعيا


- الكيمياء . . . . 7 ساعات اسبوعيا


- الاحياء . . . . 7 ساعات اسبوعيا


- الجيولوجيا. . . . من 5 ل6 اسبوعيا


- التاريخ . . . . 7 ساعات اسبوعيا


- الجغرافيا. . . . من 5 ل6 اسبوعيا


- الفلسفة. . . . من 5 ل6 اسبوعيا


- علم نفس. . . . من 5 ل6 اسبوعيا


طبعا ديه عدد ساعات اسبوعية مش يومية عشان محدش يقول ايه ده كل ده


وده جدول لبدايه السنة زي ما قولنا الشهور الاولى بعد كدة بنتوسع وبيزيد




2 – في اخر الاسبوع نعمل كام ساعه كدة لمراجعة كل اللى ذاكرتة خلال الاسبوع




3 – يوميا ممكن  نخلى ساعة ف اخر اليوم نذاكر فيها اى حاجه فاتتك وملحقتش 

تذاكرها



4 – ومش هنساك طبعا ف انك لازم ترفهه عن نفسك من 3 ل4 ساعات اسبوعيا 

ممكن تيجى تلعب عندنا بلاي ستيشن او تقعد مع اصحابك وتخرجوا بس كل اسبوع 

مش كل يوم

Published: By: mayada - 1:43 PM